| ** عفوا .. الشباب المصرى غير متاح حاليا ** | |
|
+3العزيزة بالله حنين مصر ...ملك الاحساس... 7 مشترك |
كاتب الموضوع | رسالة |
---|
...ملك الاحساس... عضو نشيط
علم الدوله : الجنس : كيف عرفت المنتدى : اكتب هنا احترام قوانين المنتدى : عدد المساهمات : 214 نقاطى : 5541 عدد مرات الشكر : 3 دعائى : مزاجى : تاريخ التسجيل : 09/11/2009 بلدى : مصر طبعا
| موضوع: ** عفوا .. الشباب المصرى غير متاح حاليا ** الخميس فبراير 04, 2010 4:35 pm | |
|
صراحة دي رساله جاتلي وبجد اتصدمت لما قرأتها...مش عارفه بجد وصل الحال بينا للدرجة دي..مع ان فيما يُقال يعني ان الشباب دلوقتي النزعة الدينية عندهم زادت شوية..ده بالنسبه للناحية الدينية لكن من الناحية الثقافية أكيد مش كده خالص ...وللأسف أنا لاحظت ده عندي ف الجامعة..يعني أغلب الطلبة يا دوبك لو قرأوا الكتب الدراسية حتي في وقت الفراغ يعني بين المحاضرات كده نادراّ لو حد طلع المكتبة -إلا طبعاً لو الدكاترة أجبروه وقالوا انهم مش هيشرحوا حاجة وهاتوا كل المنهج من المكتبة-وده للأسف عمره ما حصل عندنا ف الكلية...المهم مش هاطول عليكوا واسيبكوا تقرآوا المقال ده وتتحسروا زيي
عفوا..الشباب المصرى غير متاح حالياً!! هل أنت ولامؤاخذة مثقف؟؟ هل فكرت وغامرت واتهورت مرة وقريت كتاب؟؟ بتقرا حاجة غير مجلة ميكي ؟؟ عندك مصدر بتجيب منه معلومات غير قعدة القهوة؟؟ تعرف يعني إيه حزب؟؟ هل تعلم ماهى الليبرالية والفدرالية والإشتراكية ؟؟ يا ترى بتدخل ع النت ليه؟؟ عشان تتثقف؟؟ إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن: 80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح- أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم.. طب تعالوا نشوف ازاى الشباب المصرى بيستفيد من الإنترنت: فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!! لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا.. فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟ فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-.. طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟ لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كل بيتقدم بسرعة جنونية..واحنا لسه محلك سر!!..يا ترى الفكرة وصلت؟؟ولا لسة؟؟ | |
|
| |
حنين مصر مراقب عام
ما هو سبب اشتراكك بالمنتدى : لمرضات الله علم الدوله : الجنس : كيف عرفت المنتدى : بالبحث في النت احترام قوانين المنتدى : عدد المساهمات : 2792 نقاطى : 8705 عدد مرات الشكر : 8 دعائى : مزاجى : شيخك المفضل : حازم شومان تاريخ ميلادى : 27/11/1978 تاريخ التسجيل : 30/10/2009 عمرى : 45 بلدى : فلسطين العمل/الترفيه : أم وزوجة خريجة شريعة إسلامية
| |
| |
العزيزة بالله
المدير العام
ما هو سبب اشتراكك بالمنتدى : لكي أفيد وأستفيد علم الدوله : أوسمتى : الجنس : كيف عرفت المنتدى : من بحثي ع النت احترام قوانين المنتدى : عدد المساهمات : 2585 نقاطى : -1861 عدد مرات الشكر : 15 دعائى : مزاجى : شيخك المفضل : محمود المصرى تاريخ ميلادى : 27/12/1988 تاريخ التسجيل : 11/10/2009 عمرى : 35 بلدى : مصر / محافظة أسيوط
| موضوع: رد: ** عفوا .. الشباب المصرى غير متاح حاليا ** الجمعة فبراير 05, 2010 9:44 am | |
| معلش مع إحترامي الشديد الكلام ده مبالغ فيه جدا ده غير إنه لو حتى موجود البعض منه فهو مش في الشباب المصري لوحده !!!!! يعني بسم الله ماشاء الله على المثقفين من الشباب العربي وإحنا اللي بس مش مثقفين !!لاده ظلم كبير قوي بصراحة .... صحيح المثقفين مش كتير لكن ده مش يمنع أبدا إنهم موجودين بالفعل ده غير كمان ليا تعليق إذا سمحت لي في حكاية الأحزاب دي وعددهم طبيعي إنه معظم الناس مش تعرفهم !! لإنهم فينهم هما وفين دورهم الفعال والإيجابي في المجتمع المصري ؟؟!! ومش تقارن الحريات اللي في البلاد اللي ذكرتها اللي بتغير حكوماتها دي والحريات المعدومة اللي في مصر !! وبعدين النت حاليا بقى يجذب الناس في البحث عن المعلومات أكتر من الكتب لإنه أسهل وأسرع فده يمكن مبرر لقلة قراءة الكتب لكن برضه ده مش يمنع إننا بنشتري كتب وبنقرأها صحيح بعض الكلام اللي إتقال في الموضوع ده صحيح ولكن كتير منه مش صحيح يعني زي الإحصائيات دي أنا أشك فيها جدا وأكيد حاليا الإلتزام بيزيد ماشاء الله والثقافة فيه بتزيد لكن مش هننكر إنه الثقافة العامة مش كتير وربنا يهدي ويصلح الحال يارب ويكرمنا ويبارك في شباب هذه الأمة ويرزقهم السداد والرشاد وأنا وجهة نظري إنه الموضوع ده يقول الشباب العربي مش بس المصري !! وجزاك الله خيرا على الموضوع | |
|
| |
...ملك الاحساس... عضو نشيط
علم الدوله : الجنس : كيف عرفت المنتدى : اكتب هنا احترام قوانين المنتدى : عدد المساهمات : 214 نقاطى : 5541 عدد مرات الشكر : 3 دعائى : مزاجى : تاريخ التسجيل : 09/11/2009 بلدى : مصر طبعا
| موضوع: رد: ** عفوا .. الشباب المصرى غير متاح حاليا ** السبت فبراير 06, 2010 2:56 am | |
| أنا كلامى خاص بالشباب المصرى دا اللى أنا أعرفو انا مش أعرف ناش برة مصر علشان اتكلم عنهم | |
|
| |
...ملك الاحساس... عضو نشيط
علم الدوله : الجنس : كيف عرفت المنتدى : اكتب هنا احترام قوانين المنتدى : عدد المساهمات : 214 نقاطى : 5541 عدد مرات الشكر : 3 دعائى : مزاجى : تاريخ التسجيل : 09/11/2009 بلدى : مصر طبعا
| موضوع: رد: ** عفوا .. الشباب المصرى غير متاح حاليا ** السبت فبراير 06, 2010 2:57 am | |
| جزاكم الله خيراع لى المرور الطيب | |
|
| |
الجندول عضو نشيط
علم الدوله : الجنس : كيف عرفت المنتدى : اكتب هنا احترام قوانين المنتدى : عدد المساهمات : 232 نقاطى : 5481 عدد مرات الشكر : 0 دعائى : مزاجى : تاريخ التسجيل : 21/12/2009 بلدى : مصرية وافتخر العمل/الترفيه : اخصائية تحاليل طبية
| موضوع: رد: ** عفوا .. الشباب المصرى غير متاح حاليا ** السبت فبراير 06, 2010 3:32 am | |
| عندك حق فى كل اللى قلته بس مع احترامى ممكن اسألك سؤال؟ انت بتقرا فى الكتب؟ بتستخدم النت فى الابحاث؟ قاعد قدام البرامج الدينية؟ المشكلة اننا عارفين عيوبنا كويس اوى وحافظينها بس للاسف مش بنحاول اننا نتغير للاحسن مستسلمين للامر الواقع وحجتنا ان كله كدا,مفيش وظايف القراية مش هتأكلنى عيش ,,,,,,,,الخ | |
|
| |
أمواج نجم المنتدى
علم الدوله : الجنس : كيف عرفت المنتدى : من خلال بحثى عن منتدى مصطفى حسنى احترام قوانين المنتدى : عدد المساهمات : 1077 نقاطى : 6800 عدد مرات الشكر : 3 دعائى : مزاجى : تاريخ ميلادى : 14/08/1987 تاريخ التسجيل : 31/12/2009 عمرى : 36 بلدى : مصر العمل/الترفيه : طالبة
| موضوع: رد: ** عفوا .. الشباب المصرى غير متاح حاليا ** الإثنين فبراير 08, 2010 2:08 am | |
| عندك حق ولو ان فى شباب مثقفين وناجحين النسبة قليلة صحيح لكن موجودة | |
|
| |
فيرو عضو له بصمه
الجنس : كيف عرفت المنتدى : اكتب هنا احترام قوانين المنتدى : عدد المساهمات : 282 نقاطى : 5650 عدد مرات الشكر : 0 دعائى : مزاجى : تاريخ التسجيل : 20/11/2009
| موضوع: رد: ** عفوا .. الشباب المصرى غير متاح حاليا ** الإثنين فبراير 08, 2010 9:46 am | |
| السلام عليكم ورحمه الله وبركاته مع احترامى ليك الا انك لم تضع كل الاسئله وكمان هل انت منهم ولا ايه بس ع فكره خير جنود الارض هما المصرين عارف لو تيجى فرصه والشباب دول يأحدوا فرصتهم وحقهم هتشوف حاجه تالته منهم واكيد حضرتك عارف كده كويس فيرووووووووووووو | |
|
| |
مــؤمنــــة مشرفه
علم الدوله : الجنس : كيف عرفت المنتدى : اكتب هنا احترام قوانين المنتدى : عدد المساهمات : 867 نقاطى : 6239 عدد مرات الشكر : 1 دعائى : مزاجى : تاريخ ميلادى : 15/10/1988 تاريخ التسجيل : 31/10/2009 عمرى : 35 بلدى : فى مــلك الله العمل/الترفيه : ( وعجـلت أليــك ربـى لـترضـى )
| موضوع: رد: ** عفوا .. الشباب المصرى غير متاح حاليا ** السبت فبراير 20, 2010 7:00 am | |
| السلام عليكم ورحمة الله وبركاتة يا جماعة ممكن نبقى واقعين شوية فعلا للى فى الموضوع دة حقيقة مش افترا او مبالغة بغض النظر ان فى شباب كويس وان الشاب المصرى فى خير واننا خير جنود الله
بس فين بقى الشباب للى هيخلوا الامة فى تقدم يا أما شباب بدأ يلتزم دينيا فقط ودة انا شوفتة معايا فى الدفعة واكيد كتير منكم شوفوا هو بيلتزم بالدين لكن التعليم لا لا يحضر محاضرات ولا نتيجة كويسة بالرغم انو لازم يبقى نموذج صالح متفوق فى شتى المجالات ببقى عايزة اقول ليهم لو سمحتوا بلاش تشوة سمعة التدين مش عايز ما تكملش تعليم بس مش ادى فكرة ان الانسان المتدين فاشل فى التعليم وفى علاقتة الاجتماعية وفى شباب مبكر دماغة حياتة كلها خروج وسجاير وبنات وانترنت (واكيد بنسة 200فى المية بيستخدمة بطريقة سلبية ) ومش فى دماغة حاجة وتكلمة يقولك يا عم كبر هى جيت عليا
ودة فى شباب تانى ملتزم دينيا واجتماعيا وعلى المستوى العلمى متفوق نموذج الشاب المسلم وحط تحت المسلم دى مية خط أحمر بنسبة كام دة موجود لما حد فيكم بيشمى فى الشارع او فى الجامعة ما بين كام واحد بيشوف المثال دة ؟؟؟؟؟؟؟؟؟؟؟؟؟؟؟ انا مش قاسية على الشباب وكلمة شباب طبعا بينطبق على بنت ولد مش شباب بس بس للاسف دى الحقيقة المرة وللى احنا مش بنحاول نشوفة لحد ما وصل الحال لكدة لازم ننزع الستار ونشوف الحقيقة | |
|
| |
| ** عفوا .. الشباب المصرى غير متاح حاليا ** | |
|