قناة الجزيرة تعاونت مع اسرائيل في احداث مصر2011

هو ليه دايما اى حد بيبين الحقيقة بيبقى عميل ومش كويس قناة الجزيرة كانت بتجيب الحاجات اللى على ارض الواقع مش زى القنوات المصريه بتزيف الحقائق وبعدين هى الجزيرة كانت بتصور برا مصر وتقولنا دى مصر مالصور من مصر فعلا
مش القنوات المصريه اللى بتقول يوجد فى ميدان التحرير 5000 وهما كانو مئات الألاف وغيرها
وبعدين فين الوثيقة دى ولا هو كلام وخلاص واشمعنى ظهرت دلوقتى صدفة؟

القناة متابعة من الاول وجابت كل حاجة السلمى والبلطجة والمؤيدين للرئيس وخطاب نائب الرئيس انا شوفت كل الحاجات دى بنفسى وبعدين هى لازم ماتجبش الحقيقة زى معظم القنوات المصريه عشان ماتثيرش الفتن والكوارث لازم تكدب على الشعب المصرى وتخليه مضحوك عليه على طول لازم يعيش فى خدعة طول عمره
بكرة يقولو على الحوار والمستقله والبي بي سى والعربيه والحرة بردو عملاء

أشرف السعد كان عليه قضايا واخد احكام بالبراءه وممكن يرجع فى اى وقت بس هو اللى مش عايز وكمان معاها مستندات تدين ناس كتير وبعدين دى المستقلة والحوار والبي بي سي والعربيه عليهم ايه كمان وبعدين كل دى حاجات فرعية بلاش نتكلم فيها
الاساس اللى نتكلم فيه اللى بيحصل فى مصر وعلى فكرة هى مش مؤامرة ده الكلام اللى بيتقال وكتير مصدقه دول شباب حركهم الفساد اللى فى مصر وقاصدين الاصلاح وبعدين لوكانت مؤامرة يبقى فشل فى الجهاز الامنى للدوله ولازم يتغير دى وجهة نظرى انتى تختلفى معايا عادى
الاختلاف فى الراي لا يفسد للود قضية

والله ردك يكفى يامى

ربنا يكرمك ويعزك

ايه رايكوا فى هذه الصورة

انا شوفت الصورة دى من كام يوم ومش الصورة بس فيديو كمان بس واضح قوى انها متفبركة لان اى حد خاين اوعميل مش اهبل قوى عشان يعمل كده ويحط دليل ادانته علنى كده
وكمان اعلن موقع الجزيرة ان هناك قراصنه احتلو الموقع وهما غير مسئولين عنه
وحرام بردو اننا نرمى اى حد بالباطل

ده كله كذب

وبعدين لو عاية تعمل كده

هتكتب ع الملأ كده

زى ما مى قالت

دول فعلا قراصنه

وهما قالوا كده يوم الجمعة

وع الموقع

معقولة للدرجة دى
لاحول ولا قوة الا بالله
مش عارفة أحكى ايه
ادينا بنشوف مصايب بلادنا
ربنا يحمى بلادنا

رجعت تانى للخبر وقرأته بتمعن
وقرأت تانى بعض التعليقات بس مدخلش دماغى ده الى بتقال على الجزيرة
من اول يوم فى الاحداث وانا متابعة كل حاجة ... والله صار نومى قليل لإنى بجد كنت عايزة أشوف الوضع فين رح يوصل فى مصر
بكفى انها كانت بتجيب الحقائق وبتعرضها مش زى التلفزيون المصرى الرسمى الى كان بس بيجيبلى كورنيش النيل وصور تانية ملهاش فى الوضع خالص
وبعض القنوات التانية المشابهة ليها كالعربية < عفوا أقصد العبرية >
مفيش اى قناة بنقول عنها منزهة أومفيهاش اخطاء .. بالعكس دول بيدروها بشر وكل انسان بيغلط
أنا مش عايزة أكتر كلام بس اكييييييد أى انسان عاقل عارف الكلام الى عايزة اقوله وممكن يكون إتقال فى بعض التعليقات
خدوا الخبر ده


اختراق موقع قناة الجزيرة على الإنترنت


تمكن فنيو الجزيرة نت من صد محاولة اختراق للموقع من قبل قراصنة .. القراصنة تمكنوا من اختراق نظام الإعلانات في موقع الجزيرة نت فترة وجيزة قبل أن يتمكن الفنيون من التغلب على الاختراق.

إدارة الجزيرة نت وفي خلال الفترة التي نجح فيها القراصنة في اختراق الموقع، أعطت تعليماتها للفنيين بإغلاق الموقع في حال عدم تمكنهم من التغلب على الاختراق نظرا لحساسية العمل التخريبي الذي قام به القراصنة، إلا أن الفنيين تمكنوا من صد الهجوم في النهاية. وقد نشر القراصنة إعلانا مسيئا يحمل عنوان "معا لإسقاط مصر"، وربطوه بمواد مزعومة وزعت قبل أيام بالقاهرة ونسبت لتسريبات ويكيليكس زورا، ليعطوا انطباعا بأن الجزيرة تساهم في خطة واسعة في سياق ما يحدث في مصر، وهو ما نفته شبكة الجزيرة جملة وتفصيلا عبر موقعها على شبكة الإنترنت.

وفي اليوم نفسه تمكن فنيو الجزيرة من إفشال محاولتي اختراق قويتين، إحداهما كان مصدرها من مصر والثانية كانت من ألمانيا، وكان الهدف المشترك بينهما هو دخول قواعد بيانات الموقع واستبدال بيانات خاطئة منها.

وقد تمكنت الجهات الفنية من التصدي لعشرات محاولات الاختراق ، علما بأن الأيام السابقة شهدت هجمات لقراصنة كان مصدرها مصر والأراضي الفلسطينية وإسرائيل والمجر والمغرب وغيرها، وكلها استهدفت حجب الموقع أو وضع مواد عليه ، إلا أن الاحتياطات التي يتخذها الموقع والتي تتبع آخر ما توصلت إليه التكنولوجيا قد نجحت في صد جميع الهجمات.

حسبنا الله وكفى

جزاكى ربى الجنة ياعاشقة