مفهوم الرجولة من وجهة نظركم

أنت لست رجلاً ..

مـاذا تفـعل عندمـا تقـولهـا لـك إمـرأة و

ماهو رد فعلك ؟

ماذا تريد المرأة من الرجل و كيف تنظر إليه ؟

ما مقياس الرجولة بنظر المرأة ؟
و لماذا يثور ويغضب الزوج من زوجته عندما تقول له انت مش راجل ؟ وينهال عليها ضربا وما الذي يوصل الزوجة الي انها تقول لزوجها هذا اللفظ ( انت مش راجل )

منتظرة ارائكم

[/size]

[/size]

جزاكى الله أختى ايمان
أعتقد ان الرجولة =الشهامة والجدعنة
وطبعا الصفات دى ما بقتش موجودة تقريبا
واخواتنا الشباب هيردوا أحسن منى

جزاكِ الله خيرا حبيبتي على موضوعك

أعتقد إنه الرجولة دي صفة وليست نوع

يعني النوع بيبقى ذكر أو أنثى

لكن الرجولة دي حاجة تاني دي صفة نادرة الا من رحم ربي

والدليل على كده إنه ساعات بنسمع حد يقول الست دي ب 100 راجل

او الست دي في منتهى الرجولة ، لإنها مثلا جدعة وشهمة وبتقول الحق مهما كان التمن

أو إنها في وقت الجد بتبقى صلبة وثابته ومش بتخاف في الله لومة لائم وهكذا ..

ولو نظرنا في حياتنا اليومية هتلاقي ذكور كتير بيطلق عليهم رجال وبيتمتعوا بصحة وعضلات

ولكن ..ولا تلاقي لهم مواقف شجاعة ولا شهامة ولا حتى يقدروا يكونوا انصاف رجال

وطبعا فيه أكيد ذكور ورجال برضو بس بصراحة انا شفت في حياتي ستات فعلا بآلاف الرجال

وطبعا دي وجهات نظر وبتختلف من شخص للتاني

بارك الله فيكي يا إيمان

تسلمي يا امواج ورايك جميل ربنا يكرمك ويبارك فيكِ والاخت عزيزة كلامك كل حساه اوي

صح مية في مية
ممكن انا كمان اقول رأيي وغالبا هيبقي مثل راي عزيزة

واحببت ان اقول رأيي معاكم
لماذا يثور ويغضب الزوج من زوجته عندما يقول له انت مش راجل ؟ وينهال عليها ضربا وما الذي يوصل الزوجة الي انها تقول لزوجها هذا اللفظ ( انت مش راجل )

الرجولة هي صفة مثل باقي الصفات (الذكاء والشهامة والمروءة . الخ )
وبما ان انها صفة اذن المنطقي ان الذي يتصف بها ممكن يكون ذكر او انثي ومفهموم الرجولة هي (اذاي تتصرف بصورة سليمة ومنطقية في المواقف التي تواجهك ) واكرر انها صفة يعني من الممكن جدا ان تتصرف امرأة في موقف بصورة ممتازة فيطلق عليها بالعامية ( انتي بميت راجل)
لكن للاسف الشديد الواقع الان غير ذلك لقد أخذ الذكر حق ملكية الرجولة لنفسه منذ صغره نري كثيييرا جدا طفل في ابتدائي يقول انا راجل
ووالديه يزرعان فيه انه رجل دون ان يفهم معني الرجولة اصلا وهذا خطأ شائع جدا
لقد ظننا ان الرجولة شيئ مرتبط بالذكورة بمعني
(بما ان انا ذكر اذن انا رجل) معادلة خاطئة وظالمة

ولذلك عندما يقصر الزوج تجاه زوجته وتري انه غير متحمل لآي مسؤلية ويتركها تتحمل كل المسؤليات وتحل اي مشكلة وحدها كثيرا ما تنفعل وتطلق عليه لفظ ( انت مش راجل ؟؟؟ ) لفهمها معني الرجولة الصحيح او تطلق هذا اللفظ سريعا في غضبها دون تفكير
بالنسبة للزوج كما ذكرت سابقا انه ربط بين الذكورة الرجولة وكون معادلة (انا ذكر اذن انا رجل ) فعندما يسمع زوجته او اي احد يطلق عليه لفظ انت مش راجل طبيعي من داخله يقول امال انا ايه وتثير غضبه هذه الكلمة ويقوم
عليها ضربا ودون تفكير ايضا
لو فكر قليلا معني الرجولة هي تحمل المسؤلية ويري تصرفاته هيجد انها معها حق في اطلاق هذه الكلمة مع مراعاة طبعا ان الستات عموما انفعالهم سريع ودون تفكير ( مش كلهم طبعا)
**************************************
منتظرة من احب ان يكمل مشاركته الكريمة معي

بسم الله

موضوع جميل جدا أختى ايمان

أنا معاكى جدا انى الرجوله صفة مش نوع
وناس كتيرة أوى فهمة الرجولة غلط
يعنى لازم يشخط وينتر علشان يبقى راجل
لأ طبعا الراجل بحنيته على بيته وأسرته
لما يكون الزوج حنين وطيب الزوجة هتبقى حبه تسمع كلامة وتنفذة بنفس
الناس فاكره انى الزوج لازم يكون بيزعأعلشان يبقى ليه كلمه فى البيت
الراجل يعنى تلاقيه واقف جنبك فى شدتك
عنده طموح عايز يوصله
بيرضيه امه وابوه
مفهوم الرجولة من وجهة نظركم 693559

أ

تسلمي يا امر ربنا يكرمك علي مشاركتكم ورايكم اللي بستفيد منه

اولا مش عارفه اقول ايه ولا ايه بجد يا ايمان موضوعاتك روعه بجد مفيش اجمل من كده Smile

بسى بقى انا من وجهه نظرى ان الرجوله ديه يعنى الشهامه والجدعنه والحنيه والحب والرحمه والطيبه والحزم

كل الصفات ديه مع بعض بالنسبه لى تساوى كلمه رجل

يعنى اتمنى ان شاء الله زوجى يبقى جدع اوى وصاحب صاحبه وشهم جداااااااااا وفى نفس الوقت حنين اوى وطيب اوى وحازم وقت اللزوم ويتحمل مسؤليه

مثل بابا كده ربنا يخليه ليا

جزاك الله خيرا يا ايمان بجد على موضوعك Smile

ربنا يخيلهولك ويبارك فيكم ويكرمك يا رب في الدنيا والاخرة
جميل جدا اللي قولتيه
منتظرة منك تكملي ايه السبب اللي بيخلي الست تقول لزوجها انت مش راجل وليه هو بينفعل عليها لما بيسمع الجملة دي (انت مش راجل )ة

» معني الرجولة من وجهة نظري موضوع نقاش (هيا نتناقش سويا )
» مفهوم فقه الاولويات
» السلفية .... تصحيح مفهوم
» مفهوم الحب الخاطىء
» الحلقة الخامسة: خدع حول مفهوم الحكم على الغير