محبى مصطفى حسنى
عزيزي الزائر / عزيزتي الزائرة يرجي التكرم بتسجيل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

محبى مصطفى حسنى

المنتدى منور بوجودك زائر
 
الرئيسيةالبوابةمكتبة الصورس .و .جالتسجيلدخولتسجيل دخول الاعضاء


شاطر | 
 

 إنتى*♥♥*مـــــرتـــــبـــطــة؟ *♥♥*

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عصفورةالجنة
عضو له بصمه
عضو له بصمه
avatar

ما هو سبب اشتراكك بالمنتدى : أفيد وأستفيد

علم الدوله : فارغ
مصر
الجنس : انثى
كيف عرفت المنتدى : اكتب هنا
احترام قوانين المنتدى :
عدد المساهمات : 303
نقاطى : 3360
عدد مرات الشكر : 3
دعائى :
مزاجى : عادى
شيخك المفضل : محمد حسان
تاريخ ميلادى : 14/06/1994
تاريخ التسجيل : 28/06/2010
عمرى : 23
بلدى : مصر - القاهرة
العمل/الترفيه : الكمبيوتر - تأليف والقاءالشعر

مُساهمةموضوع: إنتى*♥♥*مـــــرتـــــبـــطــة؟ *♥♥*   الثلاثاء يونيو 26, 2012 12:20 am

إنتى*♥♥*مـــــرتـــــبـــطــة؟ *♥♥*

♥*´¨`*♥♥*´¨`*♥
أيوة أيوة بكلمك انتى
ماتبصيش يمين و شمال... ها..... مرتبطة؟

...شايفك مستغربة سؤالى...
فى الحقيقة انا شفتك كاتبة على الفيسبوك

انك فى علاقة
In a Relationship

يعنى مرتبطة بواحد مش كده؟
*♥♥**♥♥**♥♥*
طبعا دى كلمة مش معناها و لا مخطوبة و لا متزوجة... لا فقط مرتبطة
*♥♥**♥♥**♥♥*
للى مش عارف معنى الكلمة أحب أوضح أكتر..

كلمة مرتبطة معناها
إن البنت ببساطة بتعرف شاب غالباُ بيكون فى السر
و بيكون بينهم ما يسمى بعلاقة عاطفية

و ممكن يتقابلوا و يخرجوا كمان..
اه عادى و ماله
*♥♥**♥♥**♥♥*
و ايه المشكلة لما تتقابل بنت مع ولد و يخرجوا؟

إذا كانت مش عاملة حساب لربنا ..
حتعمل حساب لأهلها؟؟
*♥♥**♥♥**♥♥*
انا ليه شايفك منزعجة من كلامى؟
هو انا بقول حاجة غلط لا سامح الله؟

آآآه انتى مافهمتيش قصدى ايه لما قلت مش عاملة حساب لربنا صح؟

طيب أنا حوضحلك
*♥♥**♥♥**♥♥*
هو انتى لما تقابلى أو تعرفى شاب فى السر من ورا أهلك ده يبقى حلال و لا حرام؟

مش عاوزة تردى عليا؟

تحبى أرد عليكى انا؟

حرد عليكى و لكن بكلام ربنا اللى شايفك و مضطلع على كل افعالك

قال تعالي : بَعْضُكُمْ مِنْ بَعْضٍ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ...
(إلى أخر الآية فى سورة
النساء:25)
..عرفتى الرد؟
*♥♥**♥♥**♥♥*
المسافحات يعنى اللى بيرتكبوا فاحشة الزنا

و كلمة متخذات أخدان يعنى ليهم أخلاء (حبيب) فى السر.. يعنى بتعرف شاب فى السر ن ورا أهلها

يعنى ربنا قال على النساء المؤمنات انهم محصنات علشان مش بيعملوا سفاح و لا بيتخذوا أخدان..

عرفتى حجم الغلط بتاعك قد ايه؟
*♥♥**♥♥**♥♥*
طيب انتى قريتى كلام ربنا فى الآية الكريمة

قال تعالي : وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا ﴿الإسراء: 32﴾

لاحظى هنا إن ربنا مثلاً لم يقل لا تزنوا... لا ده قال وَلَا تَقْرَبُوا الزِّنَا
*♥♥**♥♥**♥♥*
ده يعنى ايه؟؟

يعنى نبعد عن الأسباب اللى تؤدى إلى الزنا علشان لا نقع فى الزنا

طيب يا ترى ايه الأسباب اللى تخالينا نقع فى الزنا؟؟

أفندم؟؟ انتى حتعملى نفسك مش عارفة؟

هو انتى بتعملى ايه زيادة عن اللى مكتوب؟
*♥♥**♥♥**♥♥*
أيوة طبعا حضرتك لما بتكلمى شاب و بتعرفيه فى السر و بينكم ما يسمى بعلاقة عاطفية

مش بتخضعى فى القول ؟
يعنى بتتكلمى بدلع معاه...
ما تنكريش و خالليكى صريحة مع نفسك

و لما يسمع صوتك و انتى بتدلعى بيطمع فيكى و زى ما ربنا قال

قال تعالي : فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا
*♥♥**♥♥**♥♥*

تعرفى يطمع فيكى يعنى ايه؟ يعنى شهوته تقوم عليكى لانك بتشجعيه على كده

طبعا كلامى نرفزك و بتقولى فى نفسك ايه الكلام ده و انت ازاى تكلمنى كده؟؟

إهدى بس شوية و اسمعينى لحد الآخر و ماتكابريش ..الجرح لما حد بيلمسه.. بيؤلم
*♥♥**♥♥**♥♥*
لما بتخرجوا مع بعض مش بيحاول يمسك إيدك ؟

طبعا فى مناسبات كتير لكده..بيعديكى الشارع مثلا؟

هااا.. حصل مش كده؟

كل اللى بقوله ده و مش شايفة أى أسباب تدعو للزنا فى المستقبل؟
*♥♥**♥♥**♥♥*
ده حتى الحكمة بتقول نظرة..فابتسامة..فموعد..فلقاء

مش ماسكة إيد و كلام بدلع؟؟!!
*♥♥**♥♥**♥♥*
طيب تعالى بقة نجمع الكلام كده و نلخصه و نبص للصورة من بعيد

إنتى تعرفى شاب من ورا أهلك

بتكلميه بدلع و بيحصل بينكم كلام غرامى فى السر

بتخرجوا سوا و سعات بيمسك اديكى أو على الاقل بيلمسها

يا ترى عندك تعليق على الكلام ده؟

قال تعالي : مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ

و انتى متخذة خليل فى السر

قال تعالي : ربنا قال فَلَا تَخْضَعْنَ بِالْقَوْلِ
*♥♥**♥♥**♥♥*
و انتى بتتكلمى معاه فى كلام غرامى من نوعية بحبك وحشتنى !!

دلوقتى بقة فهمتى لما انا قلت من شوية انك مش عاملة حساب لربنا؟

كان عندى حق مش كده؟

عارفة... الولد اللى تعرفيه ده لو كان فعلا ابن ناس و محترم و مؤدب و بيحبك

زى ما هو مالى دماغك كان عمل ايه؟

كان قالك إحنا لازم علاقتنا تكون فى النور

و ماينفعش نكون فى السر من ورا أهلك...انا لازم أخطبك

لكن طبعا هو مش فى دماغه كده..إذا كان قدر يوصلك و بيسمع الكلام اللى بيحبه

و ضحك و دلع يبقى ياخد خطوة رجالة ليه بقة؟
*♥♥**♥♥**♥♥*
طيب أقولك على معلومة حتضايقك أوى ؟

الشاب اللى تعرفيه ده ما يرضاش ان أخته تعرف شاب فى السر زى ما بيعمل معاكى

عارفة ليه؟ لإن بالمعايير الواقعية أخته أغلى منك عنده

مهما قال و ضحك على عقلك بكلام معسول .. انما الواقع حاجة تانية
*♥♥**♥♥**♥♥*

شايف فى عنيكى سؤال بيقول بس إزاى حتجوز واحد من غير ما يكون بيننا حب؟

عاوزانى أرد عليكى؟

انتى تعرفى القاعدة اللى بتقول ما بنى على باطل فهو باطل؟

إنتى عندك علم إن أكتر من 70% من اللى بيدخلوا فى علاقة غير شرعية قبل الزواج (مرتطبين عاطفيا) بيحصل بينهم طلاق؟

من ضمن الإحصائيات الكتيرة فى الموضوع ده

فى أستاذ فى علم الإجتماع فى فرنسا إسمه الدكتور سول جور دون

عمل دراسة ميدانية و توصل إلى نتيجة صادمة
حوالى 85% من الزيجات اللى تمت عن طريق علاقات غرامية قبل الزواج انتهت بالطلاق !!

بينما لا تتجاوز تلك النسبة ( 5 % ) في الزيجات التقليدية التي تعتمد على العقل
والتريث ولا تستند الى الإندفاع العاطفي فتنهار عند أول منعطف ..سبحان الله

دى نتيجة بحث من متخصصين فى مجال علم الإجتماع

يعنى بإختصار شديد انتى بتعملى غلط بيغضب عليكى رب السموات و الأرض

و علاقتك دى ربنا لا يبارك فيها

بل غالباً ما سوف تنتهى بفشل ذريع و مؤلم و لو مش مصدقانى افتحى عنيكى كويس

و شوفى الناس و اعرفى اخبارهم حتسمعى قصص كتييرة أوى غرام و حب و كلام من ده و فى النهاية

نكد و قرف و خناق و طلاق فى سنوات الزواج الأولى
(فى خلال 5 سنوات)
عادةً

تعرفى ليه؟؟... لسببين

أولاً.. لإن ربنا لا يبارك فى علاقة غير شرعية و يكون الجزاء من جنس العمل

ثانياً .. علاقات ما قبل الزواج تكون مبنية على أقنعة كاذبة و ردود أفعال معظمها مصطنع غير صادقة
لشخصية الطرفان مهما كانت درجة العلاقة و بينخدع
الطرفين و بيعتقد إن دى الشخصية الحقيقة و بيفتكر انه يعرف كل عيوب الطرف التانى

و لإنك مش عايشة معاه و لا تعرفى حاجة عن عيوبه إلا اللى ظاهر منها..و ما خفى كان أعظم
*♥♥**♥♥**♥♥*
و طبعا بيحصل الصدمة فى الزواج بعدها لان العِشرة بتبين
اللى دايما كان بيبقى مستخبى عنك فى الشارع أو الكافيه اللى كنتوا بتتقابلوا فيه.
لإنه مش بيظهر ليكى غير اللى هو عاوزك تشوفيه او تعرفيه عنه

*♥♥**♥♥**♥♥*
يقول د. سول : إن الإندفاع العاطفي يعمي عن رؤية العيوب ومواجهتها ويوهم الشاب والفتاة أن الحب يصنع المعجزات بينما يعمل الطرفان في الزواج
التقليدي على انجاح ارتباطهما ويعرفان أن الزواج مسؤولية وأعباء وتسامح وتنازل ،

في الوقت الذي يعتقد العاشقان أن الزواج رحلة حب لا نهائية تخلو من المشاكل
*♥♥**♥♥**♥♥**♥♥**♥♥**♥♥**♥♥**♥♥**♥♥*

لو بتحبى ربنا اقطعى علاقتك بالشاب ده و استغفرى لذنبك و ربنا غفور رحيم

و الشاب ده لو محترم بجد حيخبط على بابك و يخطبك زى الرجالة من أهلك..

أنا بقول الكلام ده لإنك غالية ..و شايفك مش حاسة بقيمتك لإنك لو حاسة فعلا بقيمتك

كنتى قولتى لنفسك أنا جوهرة غالية ماحدش يقدر يقرب منها

إلا راجل واحد بس يستاهلها.. زوجى.

و افتكرى كلام ربنا

قال تعالي : يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ

ما تنزعجيش من كلامى بس فعلا انتى كنتى محتاجة اللى يفوقك من اللى انتى فيه
واحد يكون كلامه مباشر من غير دبلوماسية و مجاملة
و ربنا يهديكى و يهدينا جميعاً إن شاء الله
الرجوع الى أعلى الصفحة اذهب الى الأسفل
نور الهدى هدى محمد عليه ا
عضو فعال
عضو فعال
avatar

ما هو سبب اشتراكك بالمنتدى : لكي أفيد ولكي أستفيد مما يقدمه الأعضاء

علم الدوله : فلسطين
فلسطينى
الجنس : انثى
كيف عرفت المنتدى : عن طريق اصحابي
احترام قوانين المنتدى :
عدد المساهمات : 149
نقاطى : 2594
عدد مرات الشكر : 0
دعائى :
مزاجى :
شيخك المفضل : مصطفى حسنى
تاريخ ميلادى : 02/01/1993
تاريخ التسجيل : 01/10/2011
عمرى : 24
بلدى : غزة-دير البلح

مُساهمةموضوع: رد: إنتى*♥♥*مـــــرتـــــبـــطــة؟ *♥♥*   الثلاثاء يوليو 03, 2012 4:08 am

يسلم ايديك لو كل وحدة بتفكر قبل ما تعمل هيك وبتعمل حساب لربنا وما بتفكر بعواطفها وبس وبتكر بعقلها أكيد ما رح تخرج مع شاب ولا تعمل علاقة مش كويسة أبدا مع شاب ما بتعرفوا وبينضحك عليها في الاخر لما بتفقد البنت عفتها
الرجوع الى أعلى الصفحة اذهب الى الأسفل
عصفورةالجنة
عضو له بصمه
عضو له بصمه
avatar

ما هو سبب اشتراكك بالمنتدى : أفيد وأستفيد

علم الدوله : فارغ
مصر
الجنس : انثى
كيف عرفت المنتدى : اكتب هنا
احترام قوانين المنتدى :
عدد المساهمات : 303
نقاطى : 3360
عدد مرات الشكر : 3
دعائى :
مزاجى : عادى
شيخك المفضل : محمد حسان
تاريخ ميلادى : 14/06/1994
تاريخ التسجيل : 28/06/2010
عمرى : 23
بلدى : مصر - القاهرة
العمل/الترفيه : الكمبيوتر - تأليف والقاءالشعر

مُساهمةموضوع: رد: إنتى*♥♥*مـــــرتـــــبـــطــة؟ *♥♥*   الخميس يوليو 05, 2012 7:34 am


اه بجد فعلا والله

تسلمي
شكرا على مرووورك
الرجوع الى أعلى الصفحة اذهب الى الأسفل
najwa nour
عضو محترف
عضو محترف
avatar

ما هو سبب اشتراكك بالمنتدى : للتعلم اكثر و وضع بصمة في الحياة

علم الدوله : الجزائر
الجزائر
الجنس : انثى
كيف عرفت المنتدى : google
احترام قوانين المنتدى :
عدد المساهمات : 1218
نقاطى : 4440
عدد مرات الشكر : 0
دعائى :
مزاجى : عادى
شيخك المفضل : مصطفى حسنى
تاريخ ميلادى : 29/12/1982
تاريخ التسجيل : 09/03/2012
عمرى : 34
بلدى : الجزائر

مُساهمةموضوع: رد: إنتى*♥♥*مـــــرتـــــبـــطــة؟ *♥♥*   الأحد سبتمبر 01, 2013 8:17 pm

الرجوع الى أعلى الصفحة اذهب الى الأسفل
 
إنتى*♥♥*مـــــرتـــــبـــطــة؟ *♥♥*
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محبى مصطفى حسنى :: حوارات ونصائح :: نصائح-
انتقل الى: