وعليكم السلام ورحمة الله وبركاته
أختي الحبيبة أنا عارفة إنه اللي حصل معاكي من عائلتك ومن خالتك وبناتها شيئ قاسي على النفس
لإنه الجرح من القريب أصعب بكتير من الغريب وأنا جربت الجرح ده وعانيت منه كتير
بس مش هينفع إنك تعتزلي بعيد عن عائلتك مهما كانت المشاكل بينكم صعب حلها
لازم تتعاملي مع عائلتك وتبريهم وتوديهم حتى لو مالقيتي مقابل منهم لصلتك بيهم
إنتي أدرى بظروفك وبظروف عائلتك يعني إنتي ماوضحتيش مشكلتك مع عائلتك إيه بالضبط
لكن بشكل عام إنتي عاملي ربنا فيهم يعني إعملي الخير وتعاملي معاهم كلهم بشكل طيب وودود
وأي حد فيهم محتاج مساعدة ماتبخليش عليهم بيها واقفي جمبهم في المحن واعملي كل ده وانتي نيتك خالصة لله
بدون ماتنتظري منهم مقابل وحتى لو كان المقابل هو الكدب والخداع فانتي مش بتعامليهم هما إنما انتي بتعاملي ربنا
وده مش مبرر أبدا لإنك تقاطعيهم لإنهم أرحام وصلة الرحم واجبة حتى لو الأرحام دي مش كويسين معاكي
وخليكي واثقة إنه ربنا سبحانه وتعالى هيجازيكي كل الخير على صلتك وودك لأسرتك حتى لو أساؤا إليكي
وهتلاقيه والله في الدنيا قبل الآخرة بس انتي صلي رحمك وانتظري الأجر والثواب من الله وحده سبحانه وتعالى
حتى لو لقيتي المقابل هو الكدب والخداع وانتي انتبهي لنفسك يعني صلي رحمك وبري أسرتك وانتبهي لنفسك برضو
وحافظي على نفسك وماتسمحيش لحد إنه يخدعك أو يضحك عليكي وأنا عارفة إنه ده صعب على نفسك بس لازم تجاهدي نفسك
إبتغاء مرضاة الله سبحانه وتعالى وربنا يعينك على صلة الرحم ويرزقك بالخير ويرزقك بالصالحين اللي يعينوكي على أمور الدنيا والدين
