نصائح للي داخلين جامعة السنة دي

السلام عليكم ورحمة الله وبركاته

اللي داخلين الجامعة السنة دي

((الكلام ده هقولوا لنفسي قبل منكم ))

طبعا الجامعة مش حاجة كده وخلاص داخلينها

لا ده احنا نخلي بالنا منها جدااااا

لانها سبب في مصااااايب بتحصل

فلازم في حاجات معينة يحرصوا منها كل اللي داخلين الجامعة السنة دي

ايه هي الحاجات دي

هو ده اللي احنا عايزين نقوله هنا

كل اللي في الجامعة او خلصوا يدخلوا وينصحوا الناس اللي داخلة الجامعة السنة دي

ياخدوا بالهم من ايه

يعملوا ايه

ما يعملوش ايه

كده يعني

والبنات اللي داخلين وعندهم اي اسئلة او استفسارات يدخلوا ويسألوا براحتهم واحنا هنرد عليهم ان شاء الله

اولا اقرأوا الموضوع ده
ماتديهوش المحاضرة يصورها طبعا

نصايحي بقى ليكم

اول حاجة الاختلاط الاختلاط الاختلاط

بتبقى البنت داخلة عمرها ما كانت في مدارس مختلطة او عالاقل في الفصل مش بيكون معاكي ولاد

وفجأة تدخلي الجامعة ولاد ادامك ووراكي وحاجات زي كده ممكن تخلي البنت تضعف او تستحلى الموضوع

فأقول في الحتة دي

مالكيش دعوة بأي ولد

ولا تكلميه ولا يكلمك

ولا تعملي بقى علاقة مع واحد ولا تصاحبي ولا تحبي

ولا
تقولي انا هكلمه بس في حدود الادب والاحترام لان للاسف في بنات بتحتار تعمل
ايه في مواقف زي دي و مامتها تقولها اتكلمي معاه عادي بس بأدب[]

لا

ولا حتى كلمة واحدة

بتفضلي غالية طووووووول السنة في نظر الولاد دول

انا تقريبا كنت الوحيدة او معايا يمكن واحدة ولا اتنين بس اللي كنا مابنكلمش ولاد في الكلية خالص[

]ماتجيش بقى تقولي طب بس هاخد منه المحاضرة

]طب بس هو عايزني في موضوع كده اقف اتكلم معاه شوية وهمشي على طول

]اوعي اوعي تكلمي ولد

ولا تتلككي وتقعدي وراه في البنش

اقعدي جنب البنات ويفضل يكون ولا ادامك ولا وراكي ولاد يعني حاولي على اد ماتقدري[

والموضوع ده عايز موضوع كامل نتكلم فيه و ان شاء الله هحاول اعمله موضوع لوحده ونتناقش فيه ونشوف اراءكم

تاني حاجة عايزة اتكلم عليها

هي اللبس

6]خلي بالك من لبسك وانتي داخلة الجامعة

بنات كتييييييير للاسف بيبقو كويسين وبيلبسو لبس كويس ويدخلوا الجامعة مااعرفش ايه اللي بيحصل

تقول هجيب بقى لبس الكلية

وتنتقم بقى
انصحكم تقرءوا الموضوع ده

ماشي ماشي ما انا مش هقلع الحجاب]

تالت حاجة عايزة اقولها

]المحاضرات تكتبوها لازم لازم لازم[

والله هتنفعك جدا[

في دكاترة بتعمل كتب بس بردو يمكن ليلة الامتحان حتة ماتفهمهاش ولا حاجة يبقى معاك المحاضرات

مرة واحدة معايا في الدفعة كتابها ضاع ليلة الامتحان[

كان امتحان ميد ترم لكن لازم المحاضرات[]

وبعدين في دكاترة يفضلوا طووول السنة تقولوله يا دكتور الكتاب يقولك حاضر[/size]

وييجي ساعة الامتحان يقولكم ذاكروا من المحاضرات [

او انتو ملزمين باللي انا قلته في المحاضرة

]او اتصرفوا بقى ذاكروا من اي حتة

والله والله الكلام ده بيحصل16]

]فاكتبوا المحاضرات ولا تعتمدي على حد تاخدي منه المحاضرة ولا تعتمدي على الكتاب اللي الدكتور هيعمله[]

في دكاترة بييجو في الامتحان ويسيب الكتاب ويجيب الامتحان من المحاضرات[
ده انتو هتشوفوا العجب في الجامعة]

]بالنسبة بقى للكليات العلمية يخلو بالهم كويس اوي

لانهم المفروض يذاكروا مذاكرة ثانوية عامة

اغلب الكليات العلمية كده

عشان ممكن تلاقي واحد داخل الكلية يقول ياااه اخيرا بقى مش هنذاكر

وبعدين تلاقيه ضاع اول سنة دي

لانه مش بيبقى في دماغه ان الكلية محتاجة مذاكرة بالشكل ده

وانصح اللي داخلين كليات بالانجليزي انهم لو يقدروا ياخدوا كورس انجليزي علمي عشان يدخلوا يبقو عارفين المصطلحات دي

لازم تبقوا عارفين كمان انكم في الجامعة المدة بتبقى بسيطة
يعني ترم واحد تاخد فيه المواد و تمتحن فيه ميدترم وعملي(لو الكلية علمية) وتمتحن نص السنة

بس

تبدأ الترم التاني من الاول بدكاترة تانيين بمواد تانية

الا طب تقريبا والله اعلم السنة كلها على بعضها

ولازم تبقي عارفة ان في الكلية لازم تتعبي

بيسيبوكي انتي تدوري وتبحثي عن الورق وتروحي تصوريه ولا كده

مش الدلع بتاع قبل كده

كانوا بيدونا الورق والمذكرات لحد عندنا ويقولولنا ذاكروا بس

و شوفوا الفيديو ده كمان

تعالوا يا بتوع الجامعة والدروس والمدارس..تعالوا لي تعالوا[

يااااااااه

انا رغيت كتير اوي معلش

اللي عندها نصيحة ليهم تانية تقول

واللي عندها اي استفسار تتفضل واحنا نجاوبها]

ربنا يثبتكم ويعديكم من الجامعة على خير يارب

» السفيرة الأمريكية في جامعة أسيوط
» عقيدة اهل السنة والجماعة
» سنن غفل عنها الناس ( للدكتور صفوت حجازي )
» نصائح بالصور
» خمس نصائح غالية