أمنيات العام الجديد

أمنيات العام الجديد
باحلم حلم يا بابا نويل
زى القمره فى قلب الليل
نفسى نشوف الدنيا جميلة
وما نعرفش عذاب ولا ويل
نفسى الاقى العالم راق
وارتاح بقى من كل وباء
وأما نشوف بنوته جميلة
ترجع جوانا الأخلاق
نفسى الناس كلها تتصالح
ونعيش مع بعضنا احباب
نفسنا نخلق فرصة كبيرة
ونشغلكوا يا احلى شباب
نفسى الغنوة تعود من تانى
فى الحلوة والمرة معانا
زى ما غنى فريد وحليم
الغنوة اللى بقت وحشانا
نفسى بلدنا تبقى نظيفة
نفسى الزحمة تبقى خفيفة
نفسى مرتب شهر يكفى
ويعيشنا عيشة شريفة
نفسى اشوف عروبتنا بتكبر
وبتاخد قرارات فورية
نعرف ايه عنها غير شارع
فى جامعة الدول العربية
نفسى شبابنا يحب بجد
ويحس بفرحة وأمان
وما تغرقش معاه أحلامه
فى هجرة فاشلة فى اليونان
نفسى الجاى يكون الاحلى
ونشوف بكرة بشكل جميل
باحلم حلم يابابا نويل
زى القمره فى قلب الليل

» * مبروووووك الإشراف العام لأختنا سجدة قلب *
» مبارك الإشراف العام لأختنا إيمان وحيد
» ايه رايكم فى الاستايل الجديد
» قوافل ووفود أوروبية كبيرة تزحف إلى غزة بداية العام لفك حصارها
» ايها العضو الجديد لماذا ترحل ؟