ازاي تتكلم مع الناس

كيف تتحدث مع الناس ؟
عنوان غريب مش كده؟؟
عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه؟
لقيت مرة واحد مابتحبّش تتكلم معاه خالص؟؟ كده لله في لله؟؟
هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص؟
أكيد أيوه.. مش كده؟
طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها
(التحدث بإيجابية)
*********

في البداية عايز أوضح لك حاجة مهمة جدا عن عقلنا اللاواعي
هنعرفها من المثال الصغير ده
:
هاقول لك جملتين عايزك تركز فيهم قوي وتنفّذ اللي فيهم

ماتفكرش في وردة حمراء

ها ها ها.. ينفع؟ طيب خد دي كده

ماتتخيّلش سيارة سوداء

ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراءوفي السيارة السوداء كمان

*********

إيه اللي حصل ده؟

اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتيناللي فاتوا كان لازم العقل اللاواعي بتاعك يتخيل الوردة والسيارة السوداء

يعني إيه؟؟ يعني لو أنا عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟

*********

طبعا المسألة مش مسألة وردة حمراء وسيارة سوداء
عشان تفهم قصدي اقرا الأمثلة دي

البائع:الأسعار بتاعتنا مش غالية.. احنا مش حرامية و نصابين

الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا

جملة (مش غالية) دي هيركز اللاشعور على كلمة (غالية) لا إراديا.. والجملةالتانية (احنا مش حرامية ونصابين) هيفهم منها إنهم (حرامية ونصابين).. دهأكيد

يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء
*********
نفهم من كده إيه؟؟

نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي(رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لونفيتها.. زي ما عرفنا مع بعض
الطبيب: ماتخافش.. الحقنة مش بتوجع خالص
هه.. إيه رأيك في المثال ده؟؟

يلاّ مع بعض نطلع الكلمات السلبية
أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف ثاني كلمة سلبية هي: (مش بتوجع).. دي هتخليه يتخيل الألم والوجع
يبقى المفروض يقولها ازاي؟؟
الطبيب: اطمئن.. هتحس براحة بعد ثواني
(ملاحظ إننا ماذكرناش كلمة "حقنة" أصلا؟)
ملحوظة: كتجربة شخصية, لكل الأطباء اللي بيقروا الموضوع ده.. التكنيك ده أفادني كتير جدا -كدكتور - في إقناع المريض بأخذ الحقنة
تجنب الكلمات السلبية زي: ماتخافش، ماتقلقش، زي شكة الدبوس
كلّمه يا دكتور عن الراحة والشفاء وإن حقنة البنج مريحة لأنها حقنة بنج أساساً
*********
خدت بالك؟
ببساطة لأن هي دي الحقيقة, بس المهم هنوصلها له بأي طريقة؟
البنت لخطيبها :ماتقلقش يا حبيبي.. عمري ما هاخونك أو أكرهك
طبعا كلنا حسينا بصدمة من الكلام ده.. لكن احنا عرفنا ليه.. عشان الكلماتالسلبية زي: ماتقلقش- هاخونك – أكرهك
المفروض الجملة دي تتقال كده
البنت لخطيبها:اطمئن يا حبيبي.. أنا مخلصة لحبنا وهافضل أحبك على طول
شايف الجمال اللي في المعنى؟؟ مع إننا ممكن نلاحظ ببساطة إن الجملتين لهمنفس المعنى
*********
نستفيد من الكلام ده إيه بقى؟؟
نخش على الحكمة بتاعة التهاردة
مهم جدا معنى الكلام الذي نقوله.. والأهم هو: كيف نقول هذاالمعنى

استخدم كلمات إيجابيةدائما في حياتك.. ولاحظ الفرق الذي سيحدث في علاقاتك معالناس..واعرف الحقيقة دي.. الناس الليبيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتمكتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات السلبية
على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية
*********
قبل ما نختم بقى تعالوا نلعب لعبة

اختار الجمل والكلمات الإيجابية اللي توصل المعنى بصورة صحيحة, وحط قدامهاعلامه: صح

أنا مش عبيط.. أنا فاهم كل حاجة
صح غلط

خليك ذكي وركز معايا
صح غلط

الجو النهارده كويس
صح غلط

ياباشا البضاعة بتاعتي مش بتعفن بسرعة
صح غلط

ماتقلقش.. الموضوع بسيط
صح غلط

هابطّل السجاير, واكون إنسان جديد
صح غلط

العطر ده ريحته مش وحشة خالص.. بالعكس
صح غلط

ماتفتكرش إن صحتي راحت.. أنا زي الفل
صح غلط

مش هاخذلك يا معلّم
صح غلط

أنا إرادتي قوية جدا.. ثق في كده
صح غلط

ماتبقاش غبي يا بني.. فتّح مخك معايا
صح غلط

بحبك

صح غلط
طبعا حلّيت الواجب كله لوحدي..إنت فاكرني باكدب؟
صح غلط

*********

حلها بقى براحة واعرف إنت بقيت متحدث إيجابي ولاّ لأ
مرّن نفسك من النهارده على إن كلامك يكون إيجابي.. ولاحظ الفرق اللي هيحصلفي حياتك

طب ماشي يا جماعة.. حط بقى مرادفات (إيجابية) للجمل (السلبية) اللي فاتت لوحبيت.... وورينا واكتب الاجابة

يا جماعة الموضوع دة مهم مش عشان انا اللي كاتباه لأ عشان بيشرح لنا اذاي نكلم بصورة ايجابية سليمة ياريت تستوعبه ونحل الاسئلة ونشوف كلامنا ايجابي ولا سلبي ونصلح من نفسنا

مش عايزة مجرد جزاكِ الله خيرا وبس

تسلمى حبيبتى

جزاكي الله خيرعلي مرورك

جزاك الله خيرا

موضوووووووووووووووووووووووووع راااااااااااااااااائع

بجد لازم تكون مشاركاته اكتر من كده انا عايزة الكل يدخله

ممكن تغيري عنوانه يا قمر

عنوان يجذب اكتر من كده

ده اقتراحي

وانا حليت صح والغلط

بجد راااااااائعة

جزااااااك ربي الجنة

يارب تكون اجتابك كلها ايجابية اما عن تغيير العنوان فكرة حلوة ممكن تقترحي لي عنوان بشد الانتباه بصراحة معرفش اخترع الموضوع كان عنوانه كدة ونقلته كما هو
غيرت العنوان علي قدر استطاعتي لو عندك عنوان احسن قوليلي عليه

بارك الله فيكِ يا ايمو السكر
موضوعك اكتر من رائع
تسلمى عيونى

حليتي الاسئلة ولا لسة عايزة اشوف النتيجة

يا جماعة الموضوع دة مهم مش عشان انا اللي كاتباه لآ عشان بيشرح لنا اذاي نكلم بصورة ايجابية سليمة ياريت تستوعبه ونحل الاسئلة ونشوف كلامنا ايجابي ولا سلبي ونصلح من نفسنا

مش عايزة مجرد جزاكِ الله خيرا وبس

الموضوع هايل ربنا يبارك فيكي

انا دخلت متأخرة أوى يا ايمى
سامحينى
بس عجبنى أوى
ازاي تتكلم مع الناس The65328

نورتي الموضوع يا هيام زوري الموضوع في اي وقت ربنا يحفظك المهم تكوني استفادتي منه
بارك الله فيكِ ويحفظك من كل سوء

» ببغاء تتكلم واتقرا القران
» اري عيوب الناس ولا اري عيوبي
» عرب مين و الناس نايمين
» كيف توثر في الناس ؟؟....
» مت كي يحبك الناس !