امى بتسلم عليكم

كنت قاعد كدة وبشيت لقيت الباب بيخبط روحت فنحت لقيت ابن الجيران الواد الصغير المهم خش قلى بعدين وقلى امى بتسلم عليكو وبتقولكو عندكو حبتين طماطم والله ضحكت من قلبى قلت فى يا ولو مفيش نزرعهلكو.....
بالله عليكو ياجماعة يالا فى المنتدى من امتى باب بيتكو مفيش حد خبط علية وقال عايز طماطم او بصل او حتى عيش ممكن حد فيكو وهو بيقرا يقول هو فى حد بيطلب الحاجت دى دلوقتى عندكو حق
بس الطلبات البسيطة دى فقدنا معها طعم الجيرة الحلوة بتاعت زمان لما كان الجار يطلب من جارة بصلة طماطمة وبعد كدة تلاقى نفس الجار بعتلك طبق بصارة او مسقعة او اى حاجة من الحاجات اللى طبخها دى كانت حياة حلوة
ودلوقتى انت بتستغرب لما جارك يخبط عليك بدون موعد مسبق او اذن
انا عارف ان زمان مكنتش الحالة الاقتصادية زى دلوقتى فواتير و ديون و اقساط واسعار نار يعنى حاجة تقرف ..زمان يا جماعة الحياة كانت بسيطة وجميلة اوى وقلوب ابسط وجملة امى بتسلم عليكو وتقول عندكو طماطم او بصل لو دققنا فى الجملة دى تحس منها بجو الالفة و البساطة والمحبة اللى كانت بين الجيران و بعضيها تحس زمن ان البيوت كأنها مفتوحة على بعض كأنها بيت واحد كبييييير
وفى مرة وانا قاعدمع ستى ام امة ومحدش يقلى اشمعنى ام امك وبتقلى عارف يا واد يا علاء زمان كان الواحد بيحس بحاجة الجار لجارة وتبعت لجارك دة ودة وكنت تلقيهم مع بعض ع طول ولو بيت عمل اكلة الكل لازم ياكل منها دلوقتى جيران جتهم خيبة قال يخبوا الحاجة من بعضيهم ...
الموضوع مش حكاية امى بتسلم عليكم ...
بس العلاقة بين الجيران مابقتش زى زمان فقدت حلاوتها فقدنا الجيرة بمعناها الجميل بجد الحياة مش ليها طعم دلوقتى بعد ما الجار استغنا عن جارة ياريت الايام دى ترجع تانى اتمنى عودة الايام الجميلة دى
المهم جبت الطماطم للواد كايرو ابن الجيران وقلتلة قول لامك ام علاء بتسلم عليكى
كلامى خلاص
بس اكيد انتو عشتوا معايا ايام و لحظات افتقدنها كتيييييييييييييير
وبقينا فى زمن الجار ميعرفش حاجة عن جارة الا اسمة ودة اذا كان عارفة من الاصل
يلا سلاااااااااااام

تسلمى يا قطتتى
وجزاكى الله خيرا اشكرك على مرورك

مشكوووووووووووووووووووووور على المرور

فعلا عندك حق ده قليل دلوقتي كمان لولقيت الجار عارف اسم جاره والرسول عليه الصلاة والسلام يقول مازال جبريل يوصيني في الجارحتي ظننت انه سيورثه اوكما قال صلي الله عليه وسلم

جزاكى ربى كل خير
صحيح افتقدنا الحاجات دى
بس بتعرفى عندنا هنا عاودت رجعت نتيجة الوضع الى بنعيشوا
تسلمى