ازاى بنحلم

هل مرة حد فينا سأل نفسه ازاى بنحلم
يعنى هل بعد ما بنصحى بنسال نفسنا ازاى اللى شوفناه فى الحلم ده حصل
او هل حد فينا سأل نفسه ايه هو الحد الفاصل بين الحلم والواقع؟
يعنى احنا لما بنكون جوة الحلم مش بيبقى عندنا شك اننا بنحلم وبنبقى مصدقين ان ده الواقع وبنعيشه بفرحه وبحزنه وباحاسيسه ومشاعره المختلفة
حتى اعضاؤنا زى العين ونبضات القلب والايدين والرجلين بتعيش الحلم كانه واقع وتتفاعل معاه كأنه حقيقة
وحواسنا مش بتعيش الحلم بس لا ديه بتساهم فى اختلاقه او تجاهله او الاضافة ليه

انا بدعوكم عشان تفكروا فى الحد الفاصل بين الحلم والواقع ؟ يعنى نعرف انه حلم ولا واقع

.. فأنت مثلاً، كيف تعرف انك لا تحلم بقراءة الموضوع دة دلوقتى ؟ وكيف تعرف ان هذا الموضوع ليس جزءاً من احلامك انت وليس أنا؟
فكر كدة ولا انت لما بتصحى بتقول
.. خير اللهم اجعله خير!
وبس


مستنية اشوف فكرتوا فى السؤال ولا ل