ناشطة مصرية: تدربت علي يد يهود في أمريكا لقلب نظام الحكم في مصر

مفاجأة، حيث أكدت علي تلقيها تدريبات علي يد منظمة أمريكية يديرها يهود في أمريكا لقلب نظام الحكم في مصر، وأن ما يحدث الآن مخطط له بدقة.

وقالت الناشطة التي أسماها مسئولو البرنامج (شيماء) ووضعوا مؤثرات بصرية وصوتية حماية لها "أرسلت إلينا استمارة تعارف للمشاركة في دورة تدريبية لسبل تدعيم الديمقراطية في الوطن العربي وتابعة لجماعه تسمي (الجيل الجديد)، كما أرسلوا لي تذكرة سفر ذهاب وعوده وتأشيره من السفارة الأمريكية".

وأضافت "تجمعنا من عدة دول وحصلنا علي دورتين تدريبيتين، واحدة بأمريكا والأخرى بقطر، واستمرت الدورة 30 يوما، وكنا نحصل علي مصروف جيب مقداره 500 دولار للمتدرب الواحد في اليوم وفي نهاية الدورة حصل كل منا علي 5000 دولار، كما أنني وافقت علي الذهاب إلي هناك رغبة مني في مشاهدة بلد جديد والحصول علي الأموال التي تم الإعلان عنها".

وأشارت (شيماء) إلي أن البرنامج كان يتكون من "التدريب علي تجميع الشباب وعلي حرق كل الأماكن الحساسة بالبلد وإشاعة الفوضى والبلبلة بين الشعب، وكان يندرج هذا التدريب تحت ستار التنمية البشرية وتغير الوضع في البلد".

وأوضحت أنها شاركت يوم الثلاثاء 25 يناير، واعترفت "بأن المظاهرات كانت سلميه طوال فترة وجودهم بميدان التحرير حتى جاءت الساعة 10 مساءا، وأرادت قوات الأمن تفريق المتظاهرين بالماء وأخذ المتظاهرون في إلقاء الحجارة علي قوات الأمن وعلي سيارات المياه مما دفع قوات الأمن لإطلاق قنابل مسيلة للدموع، وفي هذه الأثناء قامت بعض العناصر المدسوسة، والتي لا يعلم عنها شباب المتظاهرون شيئا بالتعامل العنيف مع الشرطة، إلي أن خرجت المظاهرة عن الإطار الذي خرج من أجله الشباب".

واستطردت قائلة "خرجت مظاهرة 25 يناير عن الإطار السلمي، لأن هذه الأحداث كانت ضمن التدريبات التي حصلنا عليها والتعليمات جاءت لمسئولي حركات المعارضة في مصر مثل (جروب كلنا خـالد سعيد علي الفيس بوك وحركتي كفاية و6 أبريل وجمعية التغيير) بتخريب المحلات التجارية وحرق أقسام الشرطة ومهاجمة السجون وتهريب المساجين، كما أن كل زعيم لهذه الجماعة -علي حد قولها- حصل علي مبلغ مالي يقدر بـ50000 دولارا أمريكا لكل منهم".

وعن السبب الذي دفعها للحديث الآن عن كل هذه المعلومات، قالت "أنا ومن معي من الشباب المصري خرجنا بطلبات محددة، وهو ما تحقق بالفعل بعد القرارات الأخيرة التي تضمنها خطاب الرئيس مبارك وكان ذلك كافيا لنا، بل ويزيد عن ما طالبنا به، لكن الذي حدث من تخريب وإشعال نيران وغيرها كان كفيل بعودتي إلي صوابي أنا ومن معي من شباب مصر".

وشددت علي أنه لا يوجد الآن شباب في ميدان التحرير من متظاهري 25 يناير، و"الموجودين هم عناصر من الإخوان المسلمين وحركة حماس"، وأن الأجانب المتواجدون بالمظاهرات هم عناصر تابعة لبرنامج (الجيل الجديد)، واعترفت أن مسئولي البرنامج طبعوا 2 مليون منشور ووزعوهم علي الشباب.

وفجرت مفاجأة أخري بقولها "إن حادث تفجير كنيسة القديسين بالإسكندرية، والذي راح ضحيته ما يزيد عن الـ100 مصري ما بين قتيل وجريح مطلع العام الجاري، كان بمخطط من تلك الجهة المشبوهة لضرب استقرار وأمن مصر".

وحصل موقع "الشروق" علي الوثائق التي كانت ترسلها منظمة "بيت الحرية" المسئولة عن ذلك التدريب للشباب لحثهم علي الالتحاق ببرنامج "جيل جديد"، والذي كان ينظم برعاية منظمات حقوقية في شمال إفريقيا، منها كما جاء في تلك الوثائق "المعهد العربي لحقوق الإنسان، ومركز توثيق ومعلومات حقوق الإنسان، ومركز الكواكبي للتحول الديمقراطي"، وكانت تلك الوثائق التي هي عبارة عن استمارات التحاق به1ه الدورات التدريبية في بولندا وجنيف، قد أرسلت للعديد من الباحثين والنشطاء السياسيين، وأبدي عدد منهم خوفه من توجهات تلك المنظمة وفحوى تلك الاستمارات وشروطها.

ومن أكثر الاشتراطات المثيرة للجدل في تلك الوثائق "عدم اشتراط إجادة اللغة الإنجليزية" وذلك بالرغم من أن الدورة سوف تعقد خارج الدول العربية والقائمون عليها ليسوا عرب، "تحمل كافة تكاليف السفر والانتقالات" فضلا عن دفع مصروف جيب ومكافأة في نهاية الدورة، ويضاف إلى ما سبق "الربط بين موقع (المظلة الزرقاء) وهي عبارة عن ( شبكة تضامنية) –كما أسمتها الاستمارة - وبين قادة المجتمع المدني، وذلك من خلال إنشاء موقع تفاعلي ومجتمعات ممارسة ولجنة تضامن الدولي".

يذكر أن جريدة "الأهرام المسائي" وهي إحدى الصحف القومية، كانت قد فتحت أواخر العام الماضي ملفا حول أنشطة منظمة "فريدم هاوس" أو "بيت الحرية" في مصر، وما يمكن أن تثيره من أعمال لزعزعة أمن مصر

ياجماعة بلا ل فضل اتصل ببرنامج العاشرة مساء وقال ان البنت دى متفبركة وهى اصلا صحفيه ومشهورة بين زملائها بفبركة التحقيقات
لو كانت فعلا بجد زى ماهى بتقول دى واحدة طلعت فى مظاهرة سلميه ما عملتش حاجة غير انها طلبت طلبات مشروعة وخافت على مصر من اللى بيحصل يعنى قصدت خير ليه بقى مغطيين وجهها ومغيرين اسمها وبعدين برنامج 48 ساعة من يوم مابدأ وهو فاقد للمصداقيه وعميل للحزب الوطنى
على فكرة انا مش مع او ضد بقاء الرئيس بس اتمنى ان حال البلد يتصلح وبلاش بقى الكدب والفبركة اللى واضح قوى فى معظم القنوات المصريه

ابحثوا على العنوان ده فى اليوتيوب وانتو تسمعو كلامه
بلال فضل يفضح كذب وتضليل قناة المحور
www.youtube.com

انا معاكى بس خلينا نبص للجانب الكويس من الكدبة انها بتقول فوقوا دا مضحوك عليكوا من جهات كثيرة , هو فعلا محدش له مصلحة من اللى بيحصل غيرهم نفسهم يدمروا مصر وليه ميكنش فيه جماعة بهذا الشكل مش شرط تكون هى واحدة منهم وربنا يحفظ بلادنا ويرجع لها الامن والاستقرار

بصى هو لو مكنش حصل انفلات امنى وهروب المساجين والبلطجيه من السجون ماكنش حصل اى حاجة وكانت فضلت مظاهرات سلميه يعنى الغلط على القيادات الفاسدة مش على الاطراف الاجنبية والكلام الفاضى اللى بتروجه الحكومة وبعدين لو فى مؤامرة فعلا وقدرت الاطراف الاجنبية الوصول للشباب ده دليل على فشل الجهاز الامنى فى حمايه امن وشباب مصر وبعدين الاعلام بقاله فترة بيجيب الحاجات السيئه وبيقول صلحو ياحكومة بس لاحياة لمن تنادى يعنى الشباب مالاقاش قدامه غير الثورة

دول فى نظرى مجموعة شباب قصدهم يصلحو مصر من الفساد اللى ظهر بطريقة بشعة فى السنوات الاخيرة

وبعدين الحل فى ايد الرئيس من الاول لو كان استجاب لمطالبهم فعلا وتنحى كان زمان الثورة خمدت وبعدين الناس اللى بتقول مصر هتحتل والكلام الفاضى ده يعنى لو حصل للرئيس اى حاجة وغاب لاى ظرف مصر هتدمر؟شباب مصر وجيشها هما اللى هيحموها

ومجموعة الشباب دول حققوا مطالبهم وخلاص بس مش هينفع يمشى دلوقتى ويسيب الفوضى دى , هو ممكن اسالك سؤال مين دلوقتى ممكن يمسك مكانه وسط هؤلاء المتظاهرين ؟ يا جماعة حرام علينا نفكر فى البلد شوية بجد الاخبار بتقول ان اليهود على الحدود بحجة تأمين مصالحهم ومراكبهم وتجارتهم التى تمر خلال البحر الاحمر كفاية بجد المهازل دى

كذب كله

يعنى ضميرها انبها دلوقتى

سبحانك ربى

مش مسألة ضمير يا حبيبتى وانا قلت هى ممكن تكون كدابة مش مش هنقدر ننكر ان فيه هذه المنظمات فى مصر ولو مش صح يبقى ايه الجاسوسية , ياريت نبص للموضوع من زاوية اخرى نبص للمعيشة اللى وقفت وكمان للناس اللى ماتت واتصابت ونبص على خوفنا من اشياء كثيرة ممكن تحدث . حسبنا الله ونعم الوكيل

طيب الناس اللى ماتت دي ملهاش تمن راحو بلاش ده حتى ماالقاش في خطابه تعزية لاهالى الضحايا اكنهم لا شئ وبعدين ياحبيتى فيه بند فى الدستور يغطى حاله وفاه او استقالة الرئيس بس هما مش بيقولوه عشان ده طبعا مش فى مصلحتهم دلوقتى
يعنى كل حاجة متخطط لها فى الدستور

وبعدين هى كدابه مش ممكن تكون كدابه زى ماانتى قولتى ودى اكبر حاجة تدل ان الحكومة هى اللى عايزة تروج الاشاعات دى وكمان لزقوا تفجير الكنيسه لهم وده ماحصلش كمان ازاى تثقى فى كلامهم بعد كده اظن مش من المنطقى ان اى حد يثق فيهم وفى وعودهم

انتى مش قلتى بلاش نقذف الناس بالباطل ولا فى حاجات وحاجات , بس احب اقولك ان ربنا اعلى واعلم بالنوايا ويعلم من الصادق ومن الكاذب احنا مش بايدينا غير ندعى ونحافظ على بلدنا من الخراب والتدمير

بنت الاسلام1 كتب:: انتى مش قلتى بلاش نقذف الناس بالباطل ولا فى حاجات وحاجات , بس احب اقولك ان ربنا اعلى واعلم بالنوايا ويعلم من الصادق ومن الكاذب احنا مش بايدينا غير ندعى ونحافظ على بلدنا من الخراب والتدمير

انا ماقولتش عليها كدابه بالباطل اللى يعرفوها كدبوها على القنوات دريم والحياة ورئيس قناة المحور اعترف كمان ان الناس بتقول انتو مفبركين حكاية البنت وانه مش المسئول المفروض معد البرنامج هو اللى يتسال عن فبركة البنت دى

قال سمير رجب، رئيس تحرير جريدة "24 ساعة"، أنه أوقف الصحفية نجاة عبد الرحمن عن العمل، وأبلغ نقابة الصحفيين بذلك "لأنها أساءت للجريدة في برنامج 48 ساعة علي قناة المحور، عندما ادعت أنها تدربت علي يد أمريكان وإسرائيليين وقطريين حول كيفية قلب نظام الحكم، وأن ثورة شباب التغيير ممولة من الخارج".

وأكد في تصريح لـ"الشروق" أن المحررة "اعترفت بأن ما قالته علي قناة المحور (مفبرك) ولا أساس له من الصحة"، وأنها اتفقت مع معد البرنامج علي أن تقول أنها تدربت علي يد الموساد الإسرائيلي.

وقال رجب "نجاة اعترفت بهذا الكلام أمام جميع محرري الجريدة، وقرروا جميعهم بالإجماع وقفها عن العمل، لأنهم لا يشرفهم أن تنتمي لجريدتهم".

كانت نجاة ظهرت علي قناة المحور، وقالت لمقدمي برنامج 48 ساعة هناء السمري وسيد علي، أنها سافرت إلي الولايات المتحدة ضمن فريق من الصحفيين وبعض منظمات المجتمع المدني " تلقوا تدريبا علي كيفية تنظيم انقلاب علي النظام، بإحراق رموز الدولة مثل مقر الحزب الوطني الحاكم، وأقسام الشرطة، وأنهم كانوا يحصلون علي 500 دولار يوميا، لمدة شهر".

وأضافت نجاة، التي ظهرت علي شاشة القناة دون أن يظهر وجهها، أن "من ضمن فريق التدريب أفراد قطريين، وأن المنظمات الحقوقية التي شاركت في التدريب حصل كل منها علي 50 ألف دولار لإحداث انقلاب في للحكم"، مؤكدة أنها ستحضر المستندات في الحلقة التالية، وهو ما لم يحدث.

وبعدين هو انا عشان ما ايقظ الفتنة اكتب اى حاجة حتى لو غلط عشان اخمد الشعب اعتقد ان ده لايصح

وبعدين عيب قوى نغلط فى بعض انتى قولتيلى لعن الله من ايقظ الفتنة على اساس انى ان بايقظها
عشان كده انا قولتك حرام نتكلم على حد بالباطل
تقومى تقوليلى انتى فى حاجات وحاجات ياريت توضحيلى ايه هى الحاجات دى؟
كل واحد يدافع عن وجهة نظره بس من غير غلط لو سمحتى

يا قمر فهمتينى غلط ليتى انتى المقصودة بمن ايقظ الفتنة لانك معملتيش حاجة , احنا هنا كلنا بنتكلم فقط وكمان مقدرش اغلط فى اى شخص حتى لو اختلفنا , وانا اسفة لسوء الفهم بس بجد انا مقصدتش اى غلط فى اى حد

بنت الاسلام1 كتب:: يا قمر فهمتينى غلط ليتى انتى المقصودة بمن ايقظ الفتنة لانك معملتيش حاجة , احنا هنا كلنا بنتكلم فقط وكمان مقدرش اغلط فى اى شخص حتى لو اختلفنا , وانا اسفة لسوء الفهم بس بجد انا مقصدتش اى غلط فى اى حد

حصل خير ياحبيبتى بس ماقولتليش بردوايه قصدك بحاجات حاجات؟

يا قمر انا قصدى انك قولتى على قناة الجزيرة انهم القراصنة وبلاش نقذف بالباطل وبرضه المفروض فى هذا الموضوع بلاش نقذف بالباطل لان هذا الموضوع من الاعلام وتلك برضه من الاعلام وياريتنى ما قلتلك الكلمة دى لانها زعلتك منى بس بجد مكنتش اقصد غير اننا لا نعلم شئ وبنردد كلام الاعلام فى الاخبار سواء كاذبة او صادقة وبجد انا اسفة مرة تانى لسوء الفهم اللى حصل