من حكم تحريم الموسيقى والغناء

طبعا الرأى متقبل

بس أنا مش هجيب الرأى التانى

لأنى عمرى ما هقتنع بيه

وأنا محططش الموضوع علشان حاجة

ولكن ... علشان انا مشرفة فى القسم ده

ومحبش ان حد يحط اغنية دينية بها موسيقى

وأنا اعتبره على نفسى حرااااااااام

وكمان انا عارفة اوا غلط

جزاك الله كل خير اخى لمرورك الكريم

بس ياريت دايما نسعى وراء معرفة الحقيقة والحق

بسعة صدر

شكررررررررا لمرورك ثانيتا

اقتباس :

السلام عليكم ورحمة الله وبركاته
ماشاء الله عليكي حبيبتي الغالية سجدة قلب
ربنا يعزك ويكرمك ووبعدين خاصة وإننا في منتدى ا سلامي جميل
وأنا الحقيقة فخورة بيكي جدا في تحري الحق وإحساسك بالمسؤلية تجاه مهامك في المنتدى كمشرفة

وعليكى السلام ورحمة الله وبركاته

ربنا يبارك فيك ياأختى

طبعا اللى انا بقوله او بعمله

ده اللى لازم يعمله اى مشرف عادى

لأنى بصراحة بحس انها مسئوليه

وطبعا المنتدى رائع بيكم

اقتباس :

وإن شاء الله ده مبشر خير ليكي إنك في حياتك كلها تتحري الحق في كل الامور

ربنا يكرمك حبيبتى

خيرا ان شاء الله

اقتباس :

وبالنسبة للموضوع الحقيقة أنا أشفقت عليكي جدا من كتابة الموضوع ده بالذات
وأنا أحب أبدأ الكلام بالآية الكريمة
بسم الله الرحمن الرحيم

( يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً ) صدق الله العظيم

هي دي القاعدة اللي لازم نتعامل بيها إذا إختلفنا في شيئ نرده إلى مين ؟؟ نرده إلى الله والرسول صلى الله عليه وسلم
يعني إلى القرآن الكريم والسنة النبوية المطهرة
فانتي ذكرتي الدليل على تحريم الموسيقى والغناء الفاحش و الرأي ده أنا برضه سمعته من علماء ربانيين أحسبهم على خير والله حسيبهم ولا أزكي على الله أحدا
فأنا عايزة الناس اللي تتكلم في الموضوع مش تتكلم بوجهة نظرها إنما بأدلة شرعية صحيحة لإنه إحنا غير أهل للفتوى إحنا شباب بنسعى للإلتزام ورضا ربنا وطاعته مش أكتر
ومش كل حاجة بنحبها أو إتعودنا على سماعها زي الموسيقى تبقى حلال أو التمثيل طيب مااحنا في مصر مثلا مهريين تمثيل بقالنا 100سنة وأكتر هل معنى كده إنه التمثيل اللي اتعودنا على رؤيته ده حلال ؟ وأنا بوضح أهوه أنا بتكلم عن التمثيل اللى موجود من زمان ودلوقتي مش فكرة التمثيل بشكل عام

طبعا كلامك كله صحيح

ربنا يعزك

وهو الموضوع ده صعب ان كل الناس تقتنع بيه

ربنا يسهل

اقتباس :

والصراحة أنا استغربت جدا من المقارنة الغريبة مع إحترامي الشديد لحبيبتي اللي قالتها مابين أصوات الكائنات الحية والآلات الموسيقية !!
يعني صوت العصفورة زي صوت المزمار مثلا !! وبعدين مين قال إنه الموسيقى شيئ من الفطرة اللى ربنا خلقنا عليها !! ويعني هيكون من الفطرة والأدلة على تحريمه موجودة ولا المشايخ والناس اللي بتاخد بالدليل على تحريمه دول ناس فطرتهم مش سليمة كما خلقها الله !!

ايوه طبعا

وياريت اختنا تقتنع بهذا

اقتباس :

الله بديع السماوات والأرض وخلق كل شيئ جميل وأصوات الطيور اللى بتتكلموا عنها جميلة طبعا لكن مش في مقارنة بينهم زي ماقلت
وكمان مسألة الخمر دي مش مشابهة برضه يعني الماء والتمر حلال لكن لما يتخمروا لما يتسابوا فترة يعني يبقى زي الخمر أو حاجة زي كده مش زي الآلات الموسيقية يعني المعازف دي إيه الأصل فيها الحلال يعني مش فاهمة دي بصراحة !!
وبالنسبة لجرس الباب إحنا عندنا جرس الباب على صوت عصفورة جميلة يعني مش لازم يكون سيمفونية
وجرس التليفون ده مش إحنا اللي اخترعناه علشان يبقى له ضوابط ده غير إنه الموضوع اللى بنتكلم فيه عن الموسيقى اللى في الأغاني اللي بنسمعها يعني حاجة مش ضرورية وإنتم ذكرتم الشيخ مشاري راشد ده صوته رائع وأناشيده في منتهى الجمال وبتشدني جدا وكمان أحمد ابو خاطر وغيرهم كتير وبنبسط وبستفيد من الكلمات وبتأثر بيها وساعات ببكي منها لما تكون كلمات مؤثرة أهو ده شيئ جميل وراقي جدا ومن غير موسيقى !!

ما اروع فعلا الاناشيد

بجد هى احسن كتيررررررررررررررررررر من الاغانى

وكلماتها رووووعة

واحنا فعلا ملناش دخل فى اصوات الجرس والتليفون

خيرا

اقتباس :

وبعدين حاجة حتى لو مختلفين فيها المشايخ أنا آخد بالأحوط أمر فيه شبهة ياستي أجتنب الشبهات واعصم نفسي منها صح ولا إيه ؟؟
وإيه التشدد والتعسير اللي هيحصل لو مش سمعت آلات موسيقية ؟؟ ولما اسمعها يبقى الدين يسر ؟؟
يا جماعة الخير الدين يسر لا عسر دي عقيدة مش كلام نقوله لما مش يعجبنا حكم شرعي ؟؟ !!

والآية الكريمة اللى خطرت على بالي هي ( لَقَدْ جَاءكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَؤُوفٌ رَّحِيمٌ )وبعدين حاجة حتى لو مختلفين فيها المشايخ أنا آخد بالأحوط أمر فيه شبهة ياستي أجتنب الشبهات واعصم نفسي منها صح ولا إيه ؟؟
وإيه التشدد والتعسير اللي هيحصل لو مش سمعت آلات موسيقية ؟؟ ولما اسمعها يبقى الدين يسر ؟؟
يا جماعة الخير الدين يسر لا عسر دي عقيدة مش كلام نقوله لما مش يعجبنا حكم شرعي ؟؟ !!

والآية الكريمة اللى خطرت على بالي هي ( لَقَدْ جَاءكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَؤُوفٌ رَّحِيمٌ )
واللهم أرنا الحق حقا وارزقنا اتبعاه وأرنا الباطل باطلا وارزقنا إجتنابه اللهم آمين يارب العالمين وربنا يوفقنا جميعا لما يحب ويرضى
وجزاكي الله كل الخير أختي وحبيبتي في الله وربنا يرضى عنك ويعزك بالطاعات ويجعلك دليل للخير


واللهم أرنا الحق حقا وارزقنا اتبعاه وأرنا الباطل باطلا وارزقنا إجتنابه اللهم آمين يارب العالمين وربنا يوفقنا جميعا لما يحب ويرضى
وجزاكي الله كل الخير أختي وحبيبتي في الله وربنا يرضى عنك ويعزك بالطاعات ويجعلك دليل للخير

جزاكى الله الجنة

ربنا يكرمك

جزانا واياكى حبيبتى